Valentin (Papst)

Dr Valentin († 16. Septämber 827) isch anne 827 churzi Zyt Papscht gsii.

Är isch z Rom uf d Wält chuu un isch wahrschyns im Via-Lata-Dischtrikt ufgwagse. Im Liber Pontificalis wird betont, wie fromm un integer dr Valentin gsii sei un ass en wäge däm dr Papscht Paschalis I. as junge Prieschter zum Archidiakon vum remische Diakonat ernännt heeb. Die yyflussrych Position het au unter em Eugen II. bhalte. No däm sym Dod (27. Augschte 827) isch dr Valentin vermuetlig am Sunntig druf aistimmig zum neie Papscht gwehlt wore. Vu syre churze Amtszyt waißt mer nyt, no nit emol di gnau Duur. Si isch wohl bi rund aim Monet gläge.